𝗕𝗜𝗦𝗟𝗜𝗚 𝗖𝗜𝗧𝗬 – 𝗠𝘂𝗹𝗶𝗻𝗴 𝗱𝗶𝗻𝗮𝗴𝘀𝗮 𝗻𝗴 𝗺𝗴𝗮 𝗸𝗼𝗻𝗴𝗿𝗲𝘀𝗶𝘀𝘁𝗮 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗶 𝗛𝗼𝘂𝘀𝗲 𝗦𝗽𝗲𝗮𝗸𝗲𝗿 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝘁𝗶𝗻 𝗚𝗼𝗺𝗲𝘇 𝗥𝗼𝗺𝘂𝗮𝗹𝗱𝗲𝘇 𝗮𝗻𝗴 𝗽𝗮𝗴𝗽𝗮𝗽𝗮𝘁𝘂𝗹𝗼𝘆 𝗻𝗴 𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀 𝗦𝗲𝗿𝗯𝗶𝘀𝘆𝗼 𝗙𝗮𝗶𝗿 (𝗕𝗣𝗦𝗙) 𝗻𝗮 𝗶𝗱𝗶𝗻𝗮𝗼𝘀 𝘀𝗮 𝗹𝗮𝗹𝗮𝘄𝗶𝗴𝗮𝗻 𝗻𝗴 𝗦𝘂𝗿𝗶𝗴𝗮𝗼 𝗱𝗲𝗹 𝗦𝘂𝗿 𝗺𝗮𝘁𝗮𝗽𝗼𝘀 𝗮𝗻𝗴 𝗻𝗮𝗴𝗶𝗻𝗴 𝘁𝗮𝗴𝘂𝗺𝗽𝗮𝘆 𝗻𝗴 𝗻𝗮𝘀𝗮𝗯𝗶𝗻𝗴 “𝗦𝗲𝗿𝗯𝗶𝘀𝘆𝗼 𝗖𝗮𝗿𝗮𝘃𝗮𝗻” 𝗻𝗮 𝗶𝗻𝗶𝗹𝘂𝗻𝘀𝗮𝗱 𝗸𝗮𝗺𝗮𝗸𝗮𝗶𝗹𝗮𝗻 𝘀𝗮 𝗧𝗮𝗴𝘂𝗺 𝗖𝗶𝘁𝘆, 𝗗𝗮𝘃𝗮𝗼 𝗱𝗲𝗹 𝗡𝗼𝗿𝘁𝗲.

Bilang pagpapakita ng kanilang solidong suporta para sa BPSF na inilunsad ni President Ferdinand “Bongbong” R. Marcos, Jr., tinatayang 77 miyembro ng Kamara de Representantes ang nagtungo at muling nagpamalas ng kanilang “show of force” sa idinaos na “Serbisyo Caravan” ngayong Biyernes (June 21) sa Bislig City, Surigao del Sur na pinangunahan ni Speaker Romualdez.

Dahil dito, malugod na ipinahayag ni Speaker Romualdez ang kaniyang lubos na kagalakan makaraang muling makitang “full force” ang mga kongresista sa pagdalo nila sa BPSF sa Bislig City na malinaw na testamento ng kanilang nagkakaisang suporta patungkol sa isinusulong na programa ni President Marcos, Jr. upang maiangat ang kalunos-lunos na kalagayan ng mga mahihirap na mamamayan.

“I can speak for each amd every one of the lawmakers who were present in the Surigao del Sur BPSF that we are all in awe of how much this revolutionary program is helping our citizens in so many ways,” sabi ni Speaker Romualdez sa ginanap na BPSF sa Bislig City.

Sa nasabing kaganapan, binigyang diin ng House Speaker na ang bawat pisong inilalaan ng Kamara de Representantes para sa mga programang isinusulong gobyerno ay direktang nakakatulong aniya sa mga mamamayan.

“Nakikita namin kung papaanong ang bawat pisong aming inilalaan sa bawat programa ng pamahalaan ay direktang nakakatulong sa ating mga mamamayan. Kaya sa susunod naming pagbabalangkas ng national budget ng bansa. Lubos namin nauunawaan ang bawat numerong aming pinag-uusapan sa Kongreso,” paliwanag pa ng House Speaker.

Kabilang sa mga kongresistang dumalo sa BPSF na idinaos sa Bislig City ay sina Congressmen Robert Ace “Alas” S. Barbers ng Surigao del Norte, Rolando “CRV” M. Valeriano ng Manila, Joel Chua ng Manila at marami pang iba.