NAMATAY ang isang lalakI at sugatan ang kasama nito nang pagsasaksakin ng kainuman sa FG Marasigan Poultry Farm sa Brgy. Pinagtung Ulan sa San Jose, Batangas noong Linggo.

Base sa imbestigasyon, nag-inuman ang biktimang si Jhonsen Godinez Rombaiz, 31, at suspek na si alyas Gerald, 38, pero nauwi sa pagtatalo ang inuman na kalauna’y natapos sa pananaksak sa biktima na ikinamatay niya.

Sinubukang awatin ni Renante Godinez Rombaiz, 28, ang nag-aaway ngunit sinaksak siya sa kanang kamay.

Naaresto ng mga pulis ang suspek.