LABING-tatlong sasakyan ang nagkarambola makaraang mawalan ng kontrol ang Ford Everest sa United Nations Avenue malapit sa Taft Avenue, Ermita, Manila noong Lunes.

Base sa imbestigasyon ng pulisya, nawalan ng kontrol ang Ford Everest (NFS- 1200) na minamaneho ni Neil Aries Villamor hanggang sa banggain ang ibang sasakyan.

Nagkarambola ang mga sasakyan at nagtamo ng sugat ang mga lulan ng pitong motorsiklo na nadamay.

Bukod sa mga motorsiklo, nadamay din ang isang Mitsubishi Mirage, Chevrolet pick up, tricycle at isang barangay patrol

Naganap ang karambola bandang alas-10:30 ng umaga, ayon sa report.