NASA 2.99 milyong Pilipino ang walang trabaho noong Hunyo, ayon sa Philippine Statistics Authority (PSA).

Ito ay 6 porsyento umano ng populasyon at mas mataas sa 2.93 milyong na tinatayang walang trabaho noong Mayo.

Mas maliit naman ito sa 7.7 porsyento o 3.77 milyong walang trabaho noong Hunyo 2021.

Ang employment rate naman noong Hunyo ay 94 porsyento o tinatayang 46.59 milyon tumaas ng 508,000 kumpara noong Mayo.

Ang underemployment rate naman noong Hunyo ay naitala sa 12.6 porsyento o 5.89 milyon, mas maganda kumpara sa 14.5 porsyento o 6.67 milyon noong Mayo at sa 14.2 porsyento o 6.41 milyon noong Hunyo 2021.