DALAWANG akusado ng kasong panggagahasa ang nadakip ng mga otoridad sa Brgy. Pulong Niogan, Mabini, Batangas noong Martes.

Nagsagawa ang intelligence operatives ng Mabini police ng operasyon bandang alas-9:10 ng umaga noong December 24 sa nabanggit na lugar at naaresto si alyas Rey.

Nadakip si alyas Rey sa pamamagitan ng warrant of arrest na inisyu ni Presiding Judge Ma. Concepcion Billones ng Fourth Judicial Region, Regional Trial Court, Branch 1 ng Batangas City para sa krimeng panggagahasa na walang inirekomendang piyansa.

Bandang alas-10:10 ng umaga naman ng masakote ng mga otoridad ng bayan si alyas Jay-Ar para sa kaparehong kaso.