Calendar
Makikita ang screen grab ng viral video ng pagbukas ng kotse at paghablot sa bag ng dalawang suspek. Sa isang litrato ay kita ang isang suspek matapos matimbog. Mga kuha ni JONJON C. REYES
2 bukas kotse suspek nag-viral sa socmed, huli sa cara y cruz
DALAWANG lalaki na nag-viral sa social media dahil nagbukas ng kotse at hinablot ang bag ng biktima sa Road 10 noong nakaraang lingo ay natimbog ng mga operatiba ng MPD habang nagsusugal ng cara’y Cruz sa panulukan ng Mel Lopez Boulevard at Clariven Compound,Barangay 123 sa Tondo,Manila, Sabado ng madaling araw.
Ayon sa report ng Don Bosco Police Community Precinct, sakop ng Manila Police Police Station 1, nagsasagawa ng anti – criminality operation sina Police Staff Sargent Jeffrey Perez at Patrolman Mark Joseph Agbayani bandang 12:25 a.m. nang mamataan nila ang naguumpukang kalalakihan sa naturang lugar .
Nang lapitan ng mga operatiba ay biglang nagpulasan ang mga lalaki hanggang sa matimbog ang mga suspek
Kapwa naaresto sina alyas Larry at alyas Angelo, may ka-live, ,kapwa 19, at residente ng Tondo.
Inamin ng arestadong suspek na sila ang nasa viral na video at nagawa nila ang krimen dala ng kahirapan, pakikisama sa barkada at kalasingan.
Sasampahan ang mga suspek ng kasong paglabag sa Presidential Degree 1602.
