MORONG, Bataan–Hinuli ng mga pulis ang dalawang lalaki sa lugar na ito matapos maaktuhan noong Linggo na nagpa-pot session sa bahay sa Brgy. Sabang, Morong, Bataan.

Dinakip ng mga pulis ng Morong sina alyas Edmond, 34, at alyas Ruel, 27.

Isang concerned citizen ang nagsumbong sa mga awtoridad dahil sa nagaganap na shabu pot session sa loob ng isang bahay sa nasabing lugar.

Nakuha sa mga suspek ang sachet na naglalaman ng pinaniniwalaang shabu, aluminum foil strip, lighter, improvised glass pipe tube at plastic sachet na may marka na pinaglagyan ng shabu.

Inihahanda na ang kasong paglabag sa Section 11 at 12 ng RA 9165 para isampa laban sa mga naaresto.