ARESTADO noong Huwebes ng mga otoridad ang dalawang hinihinalang tulak nang mahulihan ng 52.10 na gramo ng shabu na may halagang P354,280 sa Batangas City.

Parehong matagal nang minamatyagan sina alyas Pagas at alyas Kimberly dahil sa illegal drug activities, ayon sa mga pulis.

Bandang alas-12:47 ng hatinggabi nahuli ang dalawa sa Brgy. Pagkilatan sa buy-bust ng City Drug Enforcement Team ng Batangas City police.

Narekober sa dalawa ang siyam na plastic sachets na naglalaman ng shabu, pitaka na may lamang pera at ang buy-bust money.