Calendar
2 nahaharap sa panghahalay binitbit ng parak
DALAWANG suspek sa krimen na sangkot sa panghahalay sa menor-de-edad ang nadakip noong Miyerkules sa Caloocan at Maynila.
Dakong alas-6:00 ng gabi nasukol ng mga tauhan ni Northern Police District (NPD) director P/BGen. Josefino Ligan ang 27-anyos na call center agent sa Bagong Silang, Brgy. 176 sa bisa ng warrant of arrest na inilabas ni Caloocan Family Court Presiding Judge Barbara Aleli Hernandez-Briones ng Branch 1.
May kasong dalawang bilang na rape by sexual assault ang suspek, ayon sa mga pulis .
Nauna rito, natimbog ng mga tauhan ni Southern Police District (SPD) director P/BGen. Manuel Abrugena si alyas Joward, 36, na akusado sa kasong statutory rape sa Ayala Boulevard, San Marcelino, Ermita, Manila alas-9:00 ng umaga.
Isinilbi ng mga tauhan ng Warrant and Subpoena Section ng Pateros Municipal police ang warrant of arrest na inilabas ni Pasig City Regional Trial Court (RTC) Presiding Judge Joy Casihan-Dumlao ng Branch 262 sa suspek.
