DALAWANG pinaghihinalaang tulak ng shabu ang naaresto noong Biyernes ng
mga operatiba sa buy-bust sa Tanauan at Lipa, Batangas.

Nahuli ang dalawang suspek dakong alas-10:10 ng gabi sa Brgy. Darasa, Tanauan City, Batangas sa police operation ng City Drug Enforcement
Team ng Tanauan City police.

Nakumpiska sa dalawa ang tinatayang 0.18 na gramo ng shabu na nagkakahalaga ng P1,224, marked money, isang cal. 38 at limang bala.

Sa Purok 3, Brgy. Antipolo Del Norte, Lipa City bandang alas-10:09 ng umaga naaresto naman ang suspek na si alyas Warren dahil sa pag-iingat ng shabu, cal. 38 revolver at apat na bala.