NAARESTO ng mga operatiba ng Manila Police District (MPD) ang 2 suspek sa pagdadala ng baril na walang permit sa Leveriza St., Malate, Manila noong Biyernes.

Nakilala ang unang naaresto na si alyas Gerald na natimbog sa isang eskinita.

Inaresto siya sa bisa ng arrest warrant na inisyu ni Delight Aissa Salvador, Presiding Judge ng Regional Trial Court National Capital Judicial Region Branch 29 ng Manila.

Binitbit din ng mga tauhan ng MPD-Moriones police station 2 ang 49-anyos na si alyas Edwin Salazar, isang obrero, makaraang makitaan ng baril sa Fermin Tubera St., Tondo, Manila.

Nahaharap sa kasong paglabag sa Republic Act 10591 (Comprehensive Law on Firearms and Ammunitions) ang mga naarestong suspek.