Calendar
Kinilala ni Manila Police District (MPD) director PBGen. Arnold Thomas Ibay ang mga suspek sa carnapping ng motorsiklo na natimbog ng mga pulis-Maynila.Kinilala ni Manila Police District (MPD) director PBGen. Arnold Thomas Ibay ang mga suspek sa carnapping ng motorsiklo na natimbog ng mga pulis-Maynila.
3 carnap suspek nakorner
TIMBOG sa mga operatiba ng Manila Police District (MPD) Sampaloc police station 4 ang tatlong lalaki na umano’y carnapper sa Algeciras corner Firmeza Sts., Sampaloc, Maynila noong Sabado.
Ayon sa report, bandang alas-7:30 ng gabi ng manenok ang motor na Honda Click-150i ni alyas Enrique sa harap ng bahay niya noong Biyernes ng gabi.
Subalit ng kanyang silipin bandang alas-12:48 ng madaling araw noong Agosto 30, doon na niya natuklasan na nawawala at tinangay na ng mga suspek ang motorsiklo.
Nagsagawa ng follow-up operation ang mga awtoridad sa pangunguna ni PCPT Cristobal Duque na nagresulta sa pagkakaaresto sa mga suspek na sina alyas Bernard, 21; alyas Joben, 21; at alyas Daniel, 21.
Narekober mula sa tatlo ang ninakaw na motorsiklo kasama ang iba pang ebidensya.
Kabilang sa mga na-recover ang isang (1) Honda Click 150i, isang metallic blue na Honda Click 125i at isang itim at asul na Honda Click to 125i.
Ang mga suspek ay nahaharap sa kasong Paglabag sa R.A. 10883 (New Anti-Carnapping Act of 2016).
