TATLONG drug suspek sa Western Mindanao and naaresto noong Lunes ng mga tauhan ng Philippine Drug Enforcement Agency (PDEA) sa buy-bust sa Zamboanga City na nagresulta din sa pagkakakumpiska ng halos P16 milyong halaga ng shabu.

Ayon sa ulat kay PDEA Director General Isagani R. Nerez, sumama ang mga operatiba ng PDEA Regional Office 9 ang sting sa Nuñez Extension sa Brgy. Camino, Zamboanga City dakong alas-11:45 ng umaga.

Nakumpiska ang tinatayang 2.3 kilo ng shabu na nagkakahalaga ng P15.640 million at ang buy-bust money, ayon sa report.

Kinilala ni PDEA Region 9 Director Maharani R. Gadaoni-Tosoc ang mga arestado na sina alyas Jaidi, 66; alyas Maeng, 42; at alyas Nurhana, 30.