TATLONG international meeting ang dadaluhan ni Pangulong Ferdinand Marcos Jr. bago matapos ang taon.

Ayon sa Department of Foreign Affairs, daldalo ang Pangulo sa Association of Southeast Nations (ASEAN) Summit sa Cambodia at Asia-Pacific Economic Cooperation (APEC) sa Thailand ngayong Nobyembre.

Isasagawa ang ASEAN Summit sa Phnom Penh mula Nobyembre 10 hanggang 13 habang ang APEC ay gagawin mula Nobyembre 14 hanggang 19.

Sa Disyembre, pupunta naman ang Pangulo sa Belgium para dumalo sa ASEAN-European Union (EU) Commemorative Summit.

Pag-uusapan umano sa mga pagpupulong na ito ang mga isyu ng pakikipagkalakalan, suplay ng pagkain at enerhiya.