TATLONG kelot na nahuli sa paglabag sa ordinansa ang nabaon pa ng husto nang makuhanan ng shabu sa Caloocan City.

Sinita ng mga tauhan ng Sub-Station 1 ng Caloocan police ng matiyempuhang umiihi sa pampublikong lugar sa Dagat-Dagatan Avenue, Brgy. 28 si alyas Richard, 42, dakong alas-1:40 ng madaling araw ng Huwebes na paglabag sa umiiral na ordinansa.

Iisyuhan lang sana ng violation tiket ang suspek nang magtangkang tumakas hanggang sa maabutan at dito na nakuha sa kanya ang 98-gramo ng shabu na nagkakahalaga ng P666,400.

Unang nadakip ng mga tauhan ng Bagong Barrio Police Sub-Station 5 sina alyas Alfredo, 38, at alyas Joselito, 28, dahil sa paglalakad ng walang damit pang-itaas sa Mapayapa St. Brgy, 145 Bagong Barrio dakong alas-7:45 ng gabi ng araw ng Pasko.

Itnulak at tnangka pang tumakas ng dalawa subalit kaagad din silang naaresto matapos ang maikling habulan.

Nang kapkapan, nakuhanan ang dalawa ng kabuuang 8.7-gramo ng shabu na may halagang P59,160.