TATLO katao noong Huwebes ang pinagnakawan habang nasa loob ng hotel sa San Antonio Magalang, Pampanga.

Base sa report, dumating ang dalawang lalaking armado ng mahabang baril sa Amorloco Hotel sakay ng motorsiklo.

Pumasok sila sa isang room ng hotel at nagdeklara ng holdap saka kinuha sa mga biktimang sina Amor, Jairus, 24; at Renzon, 38, ang P11,250 cash, cellphone at gadget na nagkakahalaga ng P18,000.

Tumakas papunta sa hindi malamang direksyon ang dalawang suspek, ayon kay Pampanga police director P/Col. Jay Dimaandal.