TATLONG suspek sa kasong panghahalay ang naaresto ng mga pulis sa Batangas noong Huwebes, ayon sa report kay Batangas police director P/Col. Jacinto Malinao Jr.

Bandang alas-8:50 ng umaga sa Brgy. Balisong, Taal Batangas nahuli ang mga suspek ng mga operatiba ng Intelligence division ng Taal police.

Nahuli si alyas Brian sa bisa ng warrant of arrest para sa kasong rape.

Tiklo din si alyas Harurot bandang alas-5:35 ng hapon sa Brgy. Trapiche, Tanauan City, Batangas.

Sa Brgy. Caloocan, Balayan, Batangas bandang alas-5:49 ng hapon nadakma ng mga tauhan ng Balayan police si alyas Rene.