DALAWANG hinihinalang tulak ang naaresto ng mga pulis sa San Mateo, Rizal noong Linggo sa pag-iingat ng shabu, baril at bala.

Kinilala ang mga suspek na sina alyas Wilfredo at alyas Jack, ayon kay Rizal police director P/Col. Felipe Maraggun, na nahuli sa buy-bust sa Brgy. Silangan ng Station Drug Enforcement Team ng San Mateo police.

Nakuha mula sa dalawa ang isang cal. .38 revolver, tatlong bala, apat na sachets na may lamang 1.59 na gramo ng shabu na nagkakahalaga ng P10,812, itim na supot at buy-bust money.