Calendar
Dumalo si Department of Tourism (DOT) Undersecretary Maria Rica Bueno kasama si DOLE Director Patrick Patriwaran Jr. at iba pang mga opisyales ng DOT at DOLE sa job fair noong Setyembre 19-21 sa SMX Convention Center.
3rd Trabaho, Turismo, Asenso! Philippine Tourism Job Fair inilunsad ng DOT, DOLE
INILUNSAD ng Department of Tourism (DOT), sa pakikipagtulungan ng Department of Labor and Employment at Global-Link MP Events International, Inc., ang ikatlong “Trabaho, Turismo, Asenso! Philippine Tourism Job Fair noong Setyembre 19-21 sa SMX Convention Center.
Unang inilunsad ang event noong 2022 ng DOT at DOLE upang tugunan ang mga pangangailangan ng industriya ng turismo sa Pilipinas at magbigay ng mahahalagang oportunidad sa trabaho sa loob ng sektor.
Mula nang lagdaan ang isang Memorandum of Understanding (MoU) sa pagitan ng mga ahensya noong Agosto 2022, maraming job fairs ang idinaos sa buong bansa.
Dumalo sa opening ceremony ng job fair sina DOT Undersecretary Maria Rica Bueno, Direktor Paulo Benito Tugbang at Arlene Alipio.
Kinatawan ni DOLE Secretary Bienvenido Laguesma si DOLE Director Patrick Patriwarawan, Jr., na kasama ni DOLE-NCR Director Atty. Olivia Samson at DOLE Makati-Pasay Field Office OIC Director II Atty. Gerard Mariano nang dumalo.
