APAT na foreign diplomat ang magkakahiwalay na dumalaw kay Vice President Sara Duterte sa tanggapan nito sa Mandaluyong City noong Lunes.

Naka-usap ni Duterte sina Bangladeshi Ambassador F.M. Borhan Uddin, Egyptian Ambassador Ahmed Shehabeldin, Israeli Ambassador Ilan Fluss, Australian Ambassador Hae Kyong Yu sa iba’t ibang isyu sa sektor ng edukasyon, kalakalan, enerhiya, agrikultura at iba pa.

Ibinahagi rin ni Duterte sa mga envoy ang BEDP 2030 isang long term program ng Department of Education na naglalayong pagandahin ang kalidad ng edukasyon sa bansa.