BATANGAS CITY–Naghatid noong Biyernes ng serbisyo ang ibat-ibang government offices sa Brgy. San Pedro ng siyudad na ito bukod pa sa mga residente ng Mahacot Kanluran, Mahacot Silangan at Catandala.

Layunin ng barangay caravan na malapit sa mga mamamayan sa malalayong barangay ang mga serbisyo ng lokal na pamahalaan.

Kabilang sa mga tanggapan na nagkaloob ng libreng serbisyo ay ang Office of the City Civil Registrar, Office of the City Environment and Natural Resources Officer, Office of the City Social Welfare and Development Officer, Office of the City Assessor, Office of the City Treasurer, Office of the City Veterinarian, City Legal Office, Office of the City Health Officer, Public Employment Service Office (PESO), Office of the City Engineer, Business Permits and Licensing Office (BPLO) at Mayor’s Action Center (MAC).

Katuwang ng pamahalaang lungsod ang MED City para sa medical consultation, x-ray, laboratory tests at sa pamamahagi ng reading glasses.

Kaloob naman ng Marvey’s Kitchen ang libreng pananghalian sa lahat ng dumalo sa caravan.

Nakiisa sa naturang aktibidad sina Mayor Marvey Mariño, Congresswoman Beverley Dimacuha at mga miyembro ng Sangguniang Panlungsod.