TIMBOG ang 42-anyos na babae at tatlo pa niyang kasabwat sa umano’y pagbebenta ng P374,000 na halaga ng shabu noong Sabado sa Makati City.

Kinilala ang nahuli na si alyas Inday at mga kasabwat na sina alyas Negs, 35; alyas Nic, 54; at alyas Ashny, 39.

Naganap ang pagbebenta ng droga ng mga suspek sa pulis na nagpanggap na buyer dakong alas-8:50 ng gabi sa Brgy. Guadalupe Nuevo.

Nahuli ang mga suspek ng iabot ni alyas Inday sa police poseur-buyer ang shabu kapalit ng markadong P80,000.

Aabot sa 55 gramo ng shabu na katumbas ng P374,000.00 ang nakumpiska mula sa mga suspek bukod pa sa dalawang cellular phone, marked money at mga drug paraphernalia.

Nahaharap ang apat sa kasong paglabag sa Section 5 at 11 ng RA 9165 (Comprehensive Dangerous Drug Act) sa Makati City Prosecutor’s Office.