AABOT sa 595 violators ang nasita sa pinaigting na Oplan Bulabog/Galugad at checkpoint operations ng Quezon City Police District (QCPD).

Sa naturang operasyon, 248 ang tiniketan habang 347 ang binigyan ng babala kaugnay ng iba’t ibang paglabag sa city ordinances at traffic rules.

Kabilang sa mga naitalang paglabag ang pag-inom sa lansangan, paninigarilyo, walang suot na pang-itaas na damit at 64 menor de edad na nahuli sa curfew.

Isinagawa ang operasyon sa iba’t ibang lugar sa lungsod, kabilang ang Quirino Highway at Batasan Hills, katuwang ang lokal na pamahalaan at barangay.

Ayon kay Randy Glenn Silvio, magpapatuloy ang pinaigting na operasyon upang mapanatili ang kaayusan at kaligtasan sa Quezon City.