PATAY ang isang pitong taong gulang na batang babae noong Linggo matapos malunod sa swimming pool sa Brgy. Sawang, Lobo, Batangas.

Kinilala ang nasawi na si alyas AAA at residente ng Tondo, Manila.

Nalaman na nalunod ang biktima mula sa tawag sa cellphone ng Lobo police kaya nagresponde ang mga pulis.

Sinabi ng ina ng biktima na napansin na nawawala ang kanyang anak sa pool.

Isang bisita sa resort ang nakakita sa katawan ng isang bata sa ilalim ng pool.

Dinala sa Lobo Municipal Hospital ang biktima ngunit idineklarang patay bandang alas-12:07 ng tanghali ni Dr. Mariel Rivera.