CAMP TOLENTINO, Bataan–Pitong pinaghihinalaang tulak ang naswak sa rehas sa lalawigang ito noong Linggo, ayon kay P/Col. Marites Salvadora, Bataan police directress.

Sinabi ni Col. Salvadora na umaabot sa P738,000 ng shabu, baril at bala ang nakumpiska sa mga suspek.

Sa Brgy. Calero, Orani, tatlong pinaghihinalaang pushers ang nasakote sa buy-bust matapos magbenta ng shabu sa pulis.

Kinilala ang mga suspek sa alyas na Jimo, Cardo at Dave.

Sa Samal, iniulat ni Col. Salvadora isang 22-anyos na suspek ang naaresto matapos magbenta ng shabu sa police poseur-buyer.

Sa Bagac, sinabi ni Major Roger Pecenio, chief of police, kay Col. Salvadora na nagsagawa sila ng anti-illegal drug operation na nagresulta sa pagkakahuli sa tatlong suspek.