NAKAKUHA ng ‘very good’ net satisfaction rating sa survey ng Social Weather Station (SWS) ang Kamara de Representantes na pinamumunuan ni Speaker Ferdinand Martin G. Romualdez.

Ayon sa survey na isinagawa mula Disyembre 10 hanggang 14, ang Kamara ay nakakuha ng 63 porsyentong satisfaction rating at 7 porsyentong dissatisfaction rating o 56 porsyentong net satisfaction rating. Mayroon namang 29 porsyentong undecided.

Sa terminolohiya ng SWS, ang very good ay 50 hanggang 69 porsyentong net rating.

Ang Senado ay nakakuha naman ng 68 porsyentong net satisfaction rating, ang Korte Suprema ay 53 porsyentong net rating at ang Gabinete ni Pangulong Ferdinand R. Marcos Jr. ay 50 porsyentong net rating.