NAGBABALA sa publiko ang Department of Information and Communications Technology (DICT) kaugnay ng mga bagong modus na ginagamit umano ng mga text scammer.

Ayon kay DICT Sec. Ivan John Uy ang nagpapadala ng text message ang mga scammer upang tanungin ang mga subscriber kung nairehistro na ang kanilang SIM at kung hindi pa ay maaari umanong pumunta sa pekeng website na kanilang ginawa.

Kung sasagutin umano ang mga tanong sa pekeng website ay makukuha umano ng mga scammer ang impormasyon ng subscriber.

Nanawagan din si Uy sa mga hindi pa nagpaparehistro na magparehistro na sa kanilang mga service provider.

Hindi na rin umano palalawigin ang deadline sa Hulyo 26.