𝗜𝗞𝗜𝗡𝗔𝗚𝗔𝗟𝗔𝗞 𝗻𝗶𝗻𝗮 𝗠𝗮𝗻𝗶𝗹𝗮 𝟭𝘀𝘁 𝗗𝗶𝘀𝘁. 𝗖𝗼𝗻𝗴. 𝗝𝗼𝗲𝗹 𝗥. 𝗖𝗵𝘂𝗮 𝗮𝘁 𝗮𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗠𝗲𝘁𝗿𝗼 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗽𝗮𝗴𝗽𝗮𝗽𝗮𝗹𝗮𝗯𝗮𝘀 𝗻𝗴 𝗡𝗮𝘁𝗶𝗼𝗻𝗮𝗹 𝗖𝗮𝗽𝗶𝘁𝗮𝗹 𝗥𝗲𝗴𝗶𝗼𝗻 (𝗡𝗖𝗥) 𝗪𝗮𝗴𝗲 𝗕𝗼𝗮𝗿𝗱 𝗻𝗴 𝗯𝗮𝗴𝗼𝗻𝗴 𝗺𝗶𝗻𝗶𝗺𝘂𝗺 𝘄𝗮𝗴𝗲 𝗶𝗻𝗰𝗿𝗲𝗮𝘀𝗲 𝗽𝗮𝗿𝗮 𝘀𝗮 𝗞𝗮𝗹𝗮𝗸𝗵𝗮𝗻𝗴 𝗠𝗮𝘆𝗻𝗶𝗹𝗮 𝗻𝗮 𝗻𝗮𝗴𝗸𝗮𝗸𝗮𝗵𝗮𝗹𝗮𝗴𝗮 𝗻𝗴 𝗣𝟯𝟱.

Subalit para kina Chua at Valeriano, mas makabubuti sana kung dapat na mas higit sa P35 ang minimum wage increase para sa mga manggagawa sa NCR sa gitna ng napakataas na presyo ng mga pangunahing bilihin.

Ipinaliwanag ng dalawang kongresista na ang P35 ay tinatayang nasa 5.7% lamang ng dating minimum wage na nagkakahalaga ng P610. Ang inflation naman ay umaabot ng 6% noong 2023.

Gayunman, nagpaabot parin ng taos pusong pasasalamat sina Chua at Valeriano para sa NCR Wage Board sa ilalim ng pamumuno ng Department of Labor and Employment (DOLE) sapagkat ang inilabas nitong bagong minimum wage ay naangkop dahil sa krisis na kinakaharap ng mga manggagawa sa NCR.

“Tayo ay taos pusong nagpapasalamat sa ating NCR Wage Board sa ilalim ng pamumuno ng DOLE NCR lalo na kay Regional Director Sara Buena Mirasol. Dahil ito ay napapanahon, ramdam ng bawat manggagawa sa Metro Manila ang kakapusan dahil sa paghina ng purchasing power ng piso,” ayon kay Valeriano.

Pinasalamatan din ni Valeriano si President Ferdinand “Bongbong” R. Marcos, Jr. dahil sa naging direktiba nito kaya agad na kumilos ang Regional Tripartite Wages and Productivity Board o ang Wage Board sa NCR.