WALO ang patay sa salpukan ng pampasaherong van at truck noong Linggo sa Sariaya, Quezon.

Naganap ang aksidente dakong alas-5:50 ng umaga sa Maharlika highway sa Sto. Cristo, Sariaya, Quezon.

Lumalabas sa imbestigasyon na nakatulog ang driver ng van kaya sumalpok ito sa truck.

Batay sa ulat ng Sariaya police, papunta sa Maynila ang van nang sumalpok sa kasalubong na truck galing sa Bicol.

Nawasak ang truck na dahilan ng pagkasawi ng mga biktima dahil sa lakas ng impact ng bangga, ayon sa report.

Nahirapan ang mga rescuers na sagipin ang mga biktima dahil sa tindi ng pinsala. Isinugod ang mga sugatan sa ospital sa Candelaria, Quezon

Nagdulot ng masikip na daloy ng trapiko sa lugar ang aksidente.