𝗢𝗣𝗧𝗜𝗠𝗜𝗦𝗧𝗜𝗞𝗢 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗻𝗮 𝗺𝗮𝗽𝗮𝗽𝗮𝗹𝗮𝗯𝗮𝘀 𝗱𝗶𝗻 𝗻𝗴 𝗤𝘂𝗮𝗱 𝗖𝗼𝗺𝗺𝗶𝘁𝘁𝗲𝗲 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝘀𝗮 𝗸𝗮𝗻𝗶𝗹𝗮𝗻𝗴 𝗶𝘀𝗶𝗻𝗮𝘀𝗮𝗴𝗮𝘄𝗮𝗻𝗴 𝗶𝗺𝗯𝗲𝘀𝘁𝗶𝗴𝗮𝘀𝘆𝗼𝗻 𝗮𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻 𝗸𝘂𝗻𝗴 𝗯𝗮𝗸𝗶𝘁 𝗯𝗶𝗻𝘂𝗸𝘀𝗮𝗻 𝗻𝗴 𝗻𝗮𝗸𝗮𝗿𝗮𝗮𝗻𝗴 𝗮𝗱𝗺𝗶𝗻𝗶𝘀𝘁𝗿𝗮𝘀𝘆𝗼𝗻 𝗮𝗻𝗴 𝗣𝗶𝗹𝗶𝗽𝗶𝗻𝗮𝘀 𝘀𝗮 𝗺𝗴𝗮 𝗖𝗵𝗶𝗻𝗲𝘀𝗲 𝗻𝗮𝘁𝗶𝗼𝗻𝗮𝗹𝘀 𝗻𝗮 𝗻𝗮𝘀𝗮𝗻𝗴𝗸𝗼𝘁 𝘀𝗮 𝗶𝗯𝗮’𝘁-𝗶𝗯𝗮𝗻𝗴 𝘂𝗿𝗶 𝗻𝗴 𝗸𝗿𝗶𝗺𝗶𝗻𝗮𝗹𝗶𝗱𝗮𝗱.

Ipinaliwanag ni Valeriano, chairperson ng House Committee on Metro Manila Development, na napakahalagang malaman ng Komite kung bakit mistulang naging maluwag ang nakalipas na administrasyong Duterte sa mga Chinese nationals na nagpasok ng illegal na operasyon ng Philippine Offshore Gaming Operators (POGO) sa Pilipinas sa kabila ng ito ay ban sa China.

Nagtataka kasi si Valeriano na pumayag ang gobyernong Duterte na makapasok sa bansa ang mga Chinese nationals at nagawa pa aniyang makapagtayo ng kanilang illegal na negosyo sa Pilipinas tulad ng illegal drugs at masangkot sa iba’t-ibang criminal activities na nakakulapol sa POGO.

Dahil dito, binigyang diin ng kongresista na isang napakalaking palaisipan o isang misteryo ang pagpasok ng POGO sa Pilipinas gayong batid aniya ng buong mundo na banned ito sa China at isang napakabigat na kasalanan na may katumbas na parusang “firing squad” ang sinomang Intsik na masasangkot sa POGO.

Sabi pa ni Valeriano na bagama’t mahigpit na ipinagbabawal sa China ang POGO operations. Subalit dito naman aniya sa bansa ay ginawa pa itong lehitimo o naging legal. Isang bagay na kinakailangan talagang ipaliwanag ng dating Pangulong Rodrigo Roa Duterte sa imbestigasyon ng Quad Committee kasama na ang ilan pang opisyal ng nakalipas na administrasyon.

Naniniwala din si Valeriano na ang pugante at dating Bamban, Tarlac Mayor Alice Guo ang susi para masagot ang mga katanungan at misteryong ito kung bakit pinayagan ng dating pamahalaan na mamayagagpag sa Pilipinas ang POGO gayong ban ito sa China.

“Masyadong mahiwaga ang pagpasok ng POGO dito sa Pilipinas. Iyan ang dapat masagot, ang susi dito ay si Alice Guo. Siya ang makakasagot kaya mahalaga na mapaharap siya sa imbestigasyon ng Quad Committee,” ayon kay Valeriano.

To God be the Glory