TIMBOG sa mga operatiba ng District Special Operation Unit (DSOU) ng Manila Police District ang 28-anyos na lalaki dahil sa kasong frustrated murder sa Delpan St., Binondo, Manila noong Biyernes.

Ayon kay Police Lieutenant Colonel Marlon Mallorca, hepe ng DSOU, bandang alas-2:30 ng hapon nang maaresto ang suspek na si alyas Nonoy sa barangay hall sa Brgy. 275, Zone 25.

Naaresto siya sa bisa ng arrest warrant na inisyu ni Judge Czarina Encarnacion Samonte-Villanueva, Presiding Judge ng Regional Trial Court Branch 36 ng Manila.