𝗕𝗜𝗟𝗔𝗡𝗚 v𝗶𝗰𝗲-c𝗵𝗮𝗶𝗿𝗽𝗲𝗿𝘀𝗼𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗿𝗮𝗻𝘀𝗽𝗼𝗿𝘁𝗮𝘁𝗶𝗼𝗻. 𝗜𝗸𝗶𝗻𝗮𝗴𝗮𝗴𝗮𝗹𝗮𝗸 𝗻𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗥𝗲𝗽. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗮𝗻𝗴 𝗽𝗮𝗴𝗸𝗮𝗸𝗮𝗽𝗮𝘀𝗮 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝘀𝗮 𝗶𝗸𝗮𝗹𝗮𝘄𝗮𝗻𝗴 𝗽𝗮𝗴𝗯𝗮𝘀𝗮 𝗻𝗴 𝗶𝗻𝗶𝘀𝗽𝗼𝗻𝘀𝗼𝗿𝗮𝗻 𝗻𝗶𝘁𝗼𝗻𝗴 𝗛𝗼𝘂𝘀𝗲 𝗕𝗶𝗹𝗹 𝗡𝗼. 𝟭𝟬𝟴𝟰𝟭 𝗼 𝗺𝗮𝘀 𝗸𝗶𝗹𝗮𝗹𝗮 𝗯𝗶𝗹𝗮𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝗮𝘀𝘁 𝗚𝘂𝗮𝗿𝗱 (𝗣𝗖𝗚) 𝗠𝗼𝗱𝗲𝗿𝗻𝗶𝘇𝗮𝘁𝗶𝗼𝗻 𝗔𝗰𝘁.

Sa kaniyang sponsor speech sa Plenaryo ng Kamara para sa House Bill No. 10841, sinabi ni Madrona na napapanahon na aniya upang maisulong ang modernisasyon ng PCG upang epektibong maisakatuparan nito ang kanilang mandato sa pangangalaga sa mga karagatan ng Pilipinas.

Pagdidiin ni Madrona sa kaniyang talumpati na napaka-imposibleng magampanan ng maayos ng PCG ang kanilang trabaho sa pamamagitan ng pagbabantay sa kapaligiran ng WPS kung kulang o kaya naman ay luma na ang kanilang mga kagamitan. Gayong ang binabantayan nilang CCG ay higit na moderno ang kanilang mga equipment.

Sabi pa ng kongresista na chairman din ng House Committee on Tourism na makabago at modernong kagamitan ang kailangan ng PCG upang maka-responde sila ng maayos sa panahon ng pangangailangan gaya ng pagtugon sa mga insidente sa karagatan.

Paliwanag pa ni Madrona na P5 bilyon ang mapupunta sa pondo ng PCG taon-taon para makatugon sila sa mga komplikadong sitwasyon habang nagpa-patrolya sa paligid ng WPS at buong karagatan ng Pilipinas.

“Mr. Speaker, in behalf of our Chairperson of the Committee on Transportation the Honorable Romeo Acop. It is my honor to sponsor House No. 10841 under the Committee Report Number 1196. This bill seeks for the revision of Republic Act No. 9993 or the PCG Law of 2009 to strengthen the PCG by introducing organizational reforms in order to make it more responsive in the execution of its mandate on maritime safety, maritime security and marine environmental protectional protection,” sabi ng mambabatas sa kaniyang sponsorship speech hinggil sa HB No. 10841.