𝗜𝗣𝗜𝗡𝗔𝗛𝗔𝗬𝗔𝗚 𝗻𝗴 v𝗶𝗰𝗲-c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗿𝗮𝗻𝘀𝗽𝗼𝗿𝘁𝗮𝘁𝗶𝗼𝗻 𝘀𝗮 𝗶𝘀𝗮𝗻𝗴 𝗣𝗹𝗲𝗻𝗮𝗿𝘆 𝗱𝗲𝗯𝗮𝘁𝗲 𝘀𝗮 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝗸𝗮𝘂𝗴𝗻𝗮𝘆 𝘀𝗮 𝗛𝗼𝘂𝘀𝗲 𝗕𝗶𝗹𝗹 𝗡𝗼. 𝟭𝟬𝟴𝟰𝟭 (“𝗔𝗻 𝗔𝗰𝘁 𝗦𝘁𝗿𝗲𝗻𝗴𝘁𝗵𝗲𝗻𝗶𝗻𝗴 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲 𝗖𝗼𝗮𝘀𝘁 𝗚𝘂𝗮𝗿𝗱 𝗯𝘆 𝗶𝗻𝘁𝗿𝗼𝗱𝘂𝗰𝗶𝗻𝗴 𝗣𝗼𝗹𝗶𝗰𝘆 𝗮𝗻𝗱 𝗢𝗿𝗴𝗮𝗻𝗶𝘇𝗮𝘁𝗶𝗼𝗻𝗮𝗹 𝗥𝗲𝗳𝗼𝗿𝗺𝘀) 𝗻𝗮 𝗵𝗶𝗻𝗱𝗶 𝗻𝗮 𝘁𝗿𝗮𝗯𝗮𝗵𝗼𝗻𝗴 “𝘀𝗸𝘂𝗹 𝗯𝘂𝗸𝗼𝗹” 𝗼 𝗽𝗮𝘄𝗮𝗿𝗱𝗶-𝘄𝗮𝗿𝗱𝗶 𝗮𝗻𝗴 𝗸𝗮𝘀𝗮𝗸𝘂𝗸𝘂𝘆𝗮𝗻𝗴 𝘁𝘂𝗻𝗴𝗸𝘂𝗹𝗶𝗻 𝗻𝗴 𝗖𝗼𝗮𝘀𝘁 𝗚𝘂𝗮𝗿𝗱 𝗸𝘂𝗺𝗽𝗮𝗿𝗮 𝘀𝗮 𝗺𝗴𝗮 𝗻𝗮𝗸𝗮𝗹𝗶𝗽𝗮𝘀 𝗻𝗮 𝗽𝗮𝗻𝗮𝗵𝗼𝗻.

Ito ang binigyang diin ng Vice-Chair ng Committee on Transportation na si Romblon Lone Dist. Cong. Eleandro Jesus “Budoy” F. Madrona na ang kasalukuyang tungkulin ng PCG ay hindi na lamang taga bilang ng mga pasahero, taga-check ng mga barkong overloaded ng pasahero gaya ng pagkakakilala sa Coast Guard sa nakalipas na sampung taon.

Ang pahayag ni Madrona ay patungkol sa naging interpellation sa Plenaryo hinggil sa ginawang deliberasyon sa House Bill No. 10841 kung saan sinabi ng mambabatas na napakahalagang papel ang kasalukuyang ginagampanan ng PCG sa pamamagitan ng pagtitiyak nito ng maritime safety, maritime security partikular na ang maritime enviromental protection.

“Mr. Speaker, kung matatandaan niyo po noon or ten years ago. Ang pagkakakilala po natin sa Coast Guard ay taga clear lang ng barko, taga bilang ng mga pasahero at chine-check kung overloaded ang mga pashero. Ngayon po mayroon na rin silang trabaho to ensure martime safety, to ensure maritime security and more importantly to ensure environmental protection. Napakarami na pong trabaho ang ginagawa ngayon ng ating mga Coast Guard,” sabi ni Madrona sa kaniyang interpellation.

Nauna rito, tumayo si Madrona sa Plenaryo ng Kamara para isponsoran ang HB No. 10841 bilang Vice-Chairman ng Transportation Committee matapos nitong ipahayag sa kaniyang sponsorship speech ang pagsusulong at pagpapatibay (strengthening) sa modernisasyon sa PCG Law para epektibo nitong maisakatuparan ang kanilang mandato sa pangangalaga ng ating Philippine coastline.

Pagdidiin ng kongresista ng Romblon na napaka-imposible aniyang magampanan ng Coast Guard ang kanilang tungkulin sa pamamagitan ng pagbabantay sa mga karagatan sa bansa kung kulang at luma na ang kanilang mga kagamitan lalo na kung ang barkong ginagamit nila sa pagpa-patrolya ay kakarag-karag na.

Ayon kay Madrona, P5 billion ang magiging taunang budget ng PCG upang makatugon sila sa mga komplikadong sitwasyon habang nagpa-patrolya sila sa mga karagatan partikular na sa West Philippine Sea (WPS).

“It is my honor to sponsor House Bill No. 10841. This Bill seeks for the revision of Republic Act No. 9993 or the PCG Law of 2009 to strengthen the PCG by introducing organizational reforms in order to make it more responsive in the execution of its mandate on maritime safety, maritime security and maritime environmental protection,” wika ni Madrona sa kaniyang sponsorship speech.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆