SA likod ng rehas ang kinahinatnan ng 13 lalaki na nadakma sa aktong nagsusugal sa laban ng gagamba sa Binangonan, Rizal.

Nahuli ang 13 bandang alas-3:30 ng hapon sa Sitio Habagat, Brgy. Tatala sa tulong ng tipster.

Nadatnan ng mga otoridad ang 13 suspek habang nagpapalaban ng gagamba.

Nakumpiska ng mga pulis ang kahoy na spider fighting arena, limang kulungan na may apat na buhay na gagamba, spider stick, listahan ng mga taya at P3,730 bet money.