UTAS noong Sabado ang lalaki na pinagbabaril sa harap ng kanyang kapatid ng mga hindi nakilalang salarin sa Laurel, Batangas.

Base sa report, bandang alas-6:18 ng gabi ng may mag report sa Laurel police tungkol sa pamamaril sa biktima na si Rico Enrique Obrador.

Ayon sa imbestigasyon, nasa loob ng bahay ng kanyang kapatid ang biktima pasado alas-6:00 ng gabi sa Brgy. Dayap Itaas nang biglang dumating ang mga suspek.

Sa hindi malamang dahilan pinagbabaril ng ilang beses ang biktima at saka tumakas ang mga salarin sakay ng motorsiklo papunta sa Lemery, Batangas.

Nakasuot ng itim na jacket, maong pants at humigit-kumulang 5’9 ang taas ng isa sa mga gunman.