Calendar
Binigyan ng mga opisyal ng Philippine Army si DOT Secretary Christina Garcia Frasco ng token na gawa sa capiz shells mula sa West Philippine Sea at kawayan mula sa Tarlac.
DOT nagpahayag ng suporta sa mga opisyal ng Philippine Army
BUMISITA ang ilang opisyal ng Philippine Army (PA), sa pangunguna ni Lt. Gen. Roy Galido, PA commanding general, kay Tourism Secretary Christina Garcia Frasco bilang paghahanda sa pagho-host ng Association of Southeast Asian Nations Annual Meet (AAM) sa Nobyembre.
Kasama sa event ang 32nd Association of Southeast Asian Nations (ASEAN) Armies Rifle Meet (AARM) sa Capas, Tarlac.
Mahigit sa 600 na delegado mula sa Brunei Darussalam, Cambodia, Indonesia, Laos, Malaysia, Myanmar, Singapore, Vietnam at Thailand ang dadalo sa event.
Malugod na tinanggap ng kalihim ng turismo ang mga panukala ng heneral at ipinagkaloob ang suporta ng DOT upang tulungan silang mag-host ng pagtitipon.
Ibinahagi ni Kalihim Frasco ang mga pinakamahusay na kasanayan na ginawa ng Pilipinas sa matagumpay na pagho-host ng 36th Joint Meeting ng UN Tourism Commission for East Asia and the Pacific at ng UN Tourism Commission for South Asia (36th CAP-CSA) at ang First UN Tourism Regional Forum sa Gastronomi Turismo para sa Asya at Pasipiko noong Hunyo.
Bilang pasasalamat sa DOT sa tulong nito, binigyan ang Kalihim ng espesyal na token na gawa sa capiz shells mula sa West Philippine Sea at kawayan mula sa Tarlac.
