ISANG lalaki ang arestado sa drug buy-bust ng mga tauhan ng Antipolo City police noong Lunes sa Brgy. Mayamot, Antipolo City.

Inaresto si alyas Bay, 30, matapos maaktuhang nagbenta ng P500 halaga ng hinihinalang shabu sa isang pulis na nagpanggap na poseur-buyer.

Nakumpiska rin sa kanya ang tatlong sachets na may lamang 15 gramo ng hinihinalang shabu na tinatayang nagkakahalaga ng P120,000.

Nakapiit sa Antipolo City custodial facility ang suspek at nahaharap sa kasong paglabag sa Comprehensive Dangerous Drugs Act of 2002 o RA 9165.