PATAY ang isang 56-anyos na ginang makaraang madulas at mahulog sa tulay habang lumilikas nitong Martes ng hapon sa Tagkawayan, Quezon.

Nakilala ang biktima na si Yolanda B. Marvida, residente ng Barangay Colong-Colong, sa nasabing bayan.

Ayon sa inisyal na ulat, tumatawid sa tulay ang biktima kasama ang kanyang asawa nang madulas ito at mahulog sa ilog.

Tinangay ang biktima ng malakas na agos at inabot ng halos isang oras bago ito natagpuan.

Dinala pa ang biktima sa pagamutan subalit idineklara siyang dead on arrival.