Calendar
Sina Pangulong Ferdinand “Bongbong” Marcos Jr. at First Lady Liza Marcos ay nagpaabot ng pagbati sa ika-69 na kaarawan Iglesia ni Cristo leader Eduardo Manalo.
PBBM nagpaabot ng paghanga, pasasalamat sa kaarawan ng INC leader Eduardo Manalo
NAGPAABOT ng pagbati si Pangulong Ferdinand “Bongbong” Marcos Jr. sa ika-69 na kaarawan ni Iglesia ni Cristo leader Eduardo Manalo.
Nagtungo si Pangulong Marcos kasama si First Lady Liza Marcos sa INC Central sa Quezon City.
“Malugod na pagbati sa kaarawan ni Kapatid na Eduardo V. Manalo! Sa araw na ito, nais kong ipahatid ang aming pasasalamat at paghanga sa inyong dedikasyon sa pamumuno at pag gabay sa Iglesia ni Cristo,” pahayag ni Pangulong Marcos.
“Nawa’y patuloy kayong biyayaan ng lakas at karunungan upang magamit sa inyong patuloy na paglilingkod at pangunguna sa loob ng Iglesia,” pahayag ni Pangulong Marcos.
Ipagdiriwang ni Manalo ang kanyang kaaarawan sa Oktubre 31.
“Mula sa aming pamilya, pinapanalangin namin ang patuloy na paglago ng inyong gawain at magandang adhikain para sa bayan at sa buong mundo,” dagdag ng Pangulo.
