TULOY ang paghahatid ng tulong ng Batangas, sa pangunguna ni Gov. Hermilando Mandanas, sa mga sinalanta ng bagyong Kristine noong nakalipas na linggo.

Nilibot ng gobernador ang Santa Teresita, Lemery at San Luis para alamin ang kalagayan ng mga pamilya at makiramay sa mga kaanak ng naapektuhan ng bagyo.

Nagsagawa rin ang provincial capitol, sa pamamagitan ng Provincial Social Welfare and Development Office at Provincial Assistance for Community, Public Employment and Youth and Sports Development Office, ng relief operations.

Nakasama ni Gov. Mandanas sina Vice Governor Mark Leviste at 1st District Board Member Armie Bausas.