NAARESTO ng mga pulis ang suspek sa pagpatay sa Brgy. San Juan, Taytay, Rizal, ayon kay Rizal police director P/Col. Felipe Maraggun.

Inaresto si alyas Hali ng mga tauhan ng Taytay police Station kasama ang mga Intel operatives ng Rizal Provincial Intelligence Team, Regional Intelligence Unit 4-A at Parañaque City police.

Pinagtibay ng warrant of arrest ang pagtiklo sa suspek para sa murder na inisyu ng Regional Trial Court, Branch 142, ng Antipolo City, Rizal.

Suspek sa Hali sa pagpatay kay Iglecerio Abelong Jr., 28, ng Taytay, Rizal noong Pebrero 5, 2024 sa Brgy. San Juan, Taytay, Rizal.

“Pinupuri ko ang ating pulisya dito sa PRO4A dahil sa puspusan nilang pagtugis sa mga suspek na wanted sa ating batas. Bibigyan natin ng hustisya ang biktima ng mga suspek na ito,” ayon kay P/BGen. Paul Kenneth Lucas, hepe ng Police Regional Office (PRO)-4A.