PATAY ang isang lalaki ng barilin ng kanyang nakaaway noong Sabado sa Newstar, Sta. Rosa Commercial Complex, Balibago, Sta. Rosa City, Laguna at may tinamaan pa ng stray bullet na nasa malubhang kalagayan.

Dead-on-the spot ang biktimang si alyas Omar sa mismong pinangyarihang ng insidente, ayon kay P/Lt. Col. Benson Pimentel, hepe ng pulisya ng Sta. Rosa.

Base sa imbestigasyon ng pulisya, nagtalo ang biktima at suspek na si alyas Jojo na humantong sa pamamaril ng huli sa biktima dakong alas-12:25 ng tanghali.

Tinamaan ng stray bullet si Obet Arcita, 57, at ngayo’y ginagamot pa sa isang ospital.