TALAGANG pinaninindigan ni House Deputy Speaker at Cebu 5th Dist. Rep. Vincent Franco “Duke” D. Frasco ang kaniyang “commitment” na prayoridad nito ang pagsusulong ng mga programa at proyekto para sa kapakanan at kagalingan ng libo-libong kabataang estudyante sa kanilang lalawigan.

Ito ay matapos na pangunahan ng House Deputy Speaker ang pamamahagi ng cash assistance para sa tinatayang 900 kabataang scholars kabilang na dito ang 1,500 benepisyaryo ng TEP mula sa Munisipalidad ng Sogod, Cebu.

Ayon kay Frasco, umabot sa P8.9 million ang kabuuang halaga ng cash assistance ang kanilang ipinamahagi bilang pagpapatotoo sa kaniyang commitment na prayoridad nito ang edukasyon ng libo-libong estudyante sa kanilang lalawigan.

Sabi pa ni Frasco na bagama’t balik session ang Kamara de Representantes ngayong Nobyembre 4. Subalit hindi naman aniya ito nangangahulugan na mauudlot na ang pagkakaloob nito ng suporta at tulong para sa mga mahihirap na mag-aaral.

“I am really committed in supporting the students of the 5th District of Cebu in their journey to complete their education and achieve success in life,” ayon kay Frasco.

Dagdag pa ng kongresista na hindi lamang aniya nito obligasyon ang pagsasaayos ng mga lugar sa kaniyang distrito sa pamamagitan ng kaniyang mga infrastructure projects. Bagkos, tungkulin din umano nito ang pagtitiyak sa kinabukasan ng mga mag-aaral sa kanilang lalawigan.

To God be the Glory