ISANG street level individual (SLI) ang nadakip ng mga otoridad sa isang police operation sa Mabini, Batangas ayon sa report kay Batangas police director PCol. Jacinto R. Malinao, Jr.

Ayon sa top cop, ang suspek ay kinilalang si alyas Tony.

Ang Municipal Drug Enforcement Team ng Mabini Municipal Police Station ay nagsagawa ng buy-bust sa koordinasyon ng Philippine Drug Enforcement Agency (PDEA) at naaresto ang suspek bandang 11:25 ng gabi, Nobyembre 12, 2024 sa Brgy. Ligaya, Mabini.

Narekober ng mga pulis ang isang kalibre 9mm Daewoo pistol, 9mm magazine, at limang bala para sa nabanggit na baril.

Kasalukuyang nakaditene ang suspek sa piitang bayan ng Mabini.