ISANG pinaghihinalaang illegal recruiter ang naaresto ng mga pulis sa Brgy. Upper Omon, Ragay, Camarines Sur noong Huwebes.

Natimbog ang suspek si alyas Romil, 49, alas-9:00 ng umaga sa police operation, ayon sa report.

Nadakip ang suspek alinsunod sa warrant of arrest na inilabas ni Presiding Judge Dinnah C. Aguila-Topacio ng Regional Trial Court (RTC) National Capital Judicial Region, Branch 42 para sa illegal recruitment.

Walang inirekomendang piyansa kapalit ng kanyang pansamantalang kalayaan.