DALAWANG lalaki ang naaresto noong Lunes ng mga pulis habang sakay ng umano’y ninakaw nilang motorsiklo sa police checkpoint sa Pililla, Rizal.

Dakong alas-12:25 ng umaga ng mahuli sina alyas Fer at alyas Pat sa checkpoint.

Isang ginang ang dumulog sa Pililla police dahil sa pagkawala ng kanyang motorsiklo habang naka park sa kahabaan ng Manila East Road Brgy. Bagumbayan Pililla, Rizal.

Sa kalagitnaan ng Oplan Sita sa may bahagi ng Pililla-Tanay Road, Sitio Cumbo, Brgy. Hulo Pililla, Rizal pinahinto ang isang motorsiklo na sakay ang dalawang lalake na walang helmet.

Nang tingnan ang OR/CR, nagtugma sa pagkakakilanlan na ibinigay ng biktima sa dalawang suspek at tuluyan nang natiklo.