MULING isinabuhay ni House Deputy Speaker at Cebu 5th Dist. Rep. Vincent Franco “Duke” D. Frasco ang kuwento ng “Ang Mabuting Samaritano” matapos itong mamahagi ng daan-libong pisong cash assistance para sa 12 pamilya na nasalanta ng sunog sa Barangay Dunggoan, Danao City sa Cebu City.

Pinangunahan ng House Deputy Speaker ang pagkakaloob ng tinatayang nasa P150,000 cash assistance para sa mga nasabing biktima.

Namigay din si Frasco ng sako-sakong bigas para sa iba pang pamilya na naapektuhan ng malaking sunog.

Paliwanag ng kongresista na malaki ang maitutulong ng natanggap nilang cash assistance upang muling makapagsimula sa pamamagitan ng pagpapatayo ulit ng kanilang mga bahay.