MULING umarangkada si House Deputy Speaker at Cebu 5th Dist. Rep. Vincent Franco “Duke” D. Frasco sa pamamahagi ng tulong pinansiyal para sa libo-libong mamamayan ng Cebu City. Ang pinagkalooban naman nito ngayon ng ayuda ay ang sektor ng transportasyon ng kanilang lalawigan.

Pinangunahan ng House Deputy Speaker ang pamamahagi ng cash assistance at isang kilong bigas para sa 1,254 drivers sa Munisipalidad ng Sogod bilang suporta nito sa mga draybers ng habal-habal, tricycle, trisikad at PUJ.

Nabatid kay Frasco na ang ipinagkaloob nitong tulong pinansiyal ay nagkakahalaga ng P4.1 million sa kabuuan. Ito ay upang tulungan ang libo-libong miyembro ng transport sector na maliit lamang ang kinikita sa kabila ng kanilang sipag at pagsisikap.

Namahagi din ang kongresista ng tinatayang nasa P7.1 milyong cash assistance para naman sa 545 drivers ng Borbon, Cebu bilang bahagi ng kaniyang tuloy-tuloy na suporta para sa sektor ng transportasyon.

“This initiative offers much-needed financial relief to help drivers manage daily expences. Ensuring they can continue their vital role in safety transporting commuters while providing for their families,” paliwanag ni Frasco.

To God be the Glory