TIGOK ang rider at angkas niya ng salpukin ng truck sa Maharlika Highway, Brgy. San Benito, Alaminos, Laguna noong Sabado.

Nasawi ang rider na si Gregorio Madeja Jr., 26, at ang angkas niya na hindi pa nakikilala, ayon sa report.

Isinugod sa Pagamutang Panlalawigan ng Laguna ang mga biktima subalit dahil sa malubhang mga sugat idineklara ng dead-on-arrival.

Naganap ang pagsalpok dakong alas-4:30 ng umaga.

Ang Isuzu mini dump truck ang humahatak sa nasirang Isuzu truck ng maganap ang aksidente dahil sa pagkakahagip sa motorsiklo, ayon sa pulisya.