SUGATAN ang isang Koreano nang mabaril ang sarili sa noo sa firing range sa Quezon City.

Sa report ng Quezon City Police District (QCPD), nangyari ang insidente bandang alas-5:00 ng hapon sa firing range sa Cubao, Quezon City.

Nagpa-pratice shooting umano ang biktima habang naka asiste ang isang range officer.

Makaraan ang ilang putok, nilinis ng biktima ang kanyang baril subalit bigla na lamang pumutok at tumama sa kanyang noo.

Ang insidente nakuhanan ng CCTV.

Patuloy na ginagamot sa St Luke’s Medical Center, Quezon City ang biktima.